मातोंड गावात गंडाचिवाडी येथे चोरी.

लोकसंवाद /- वेंगुर्ला.

वेंगुर्ला तालुक्यातील मातोंड गावात गंडाचिवाडी येथे अपूर्वा अरविंद वाटवे यांच्या घरी चोरी झाली आहे. यामध्ये घरातील सामान, देवघरातील देवाचे सामान व देवाची गणपतीची चांदीची मूर्ती, बाथरूम मधील नळ, जेक, वॉश बेसिन, घरातील भिंतीचे घड्याळ, टेबल फॅन, रिकामी सिलिंडर, कराओके माईक स्पीकर असे मिळून 21600/-रुपये किमतीचा माल चोरीस गेला आहे. अज्ञात चोरट्याने वाटवे यांच्या राहत्या घराचे मुख्य दरवाज्याची कडी कोयंड्याचे स्क्रू अलगद काढून कुलूप न तोडता घरात प्रवेश करून चोरून नेले. वेंगुर्ला पोलिस ठाण्यात या घटनेचा गुन्हा दाखल केला गेला असून पोलिस आरोपीचा शोध घेत आहे. पोलिस निरीक्षक संदीप भोसले यांच्या मार्गदर्शनाखाली पोलिस हेड कॉन्स्टेबल चौहान पुढचा तपास करत आहे.