🛑चालत्या दुचाकीला गवारेड्यांची धडक दुचाकीस्वार जागीच गतप्राण कुडाळ- हुमरस मधील घटना..

✍🏼लोकसंवाद /- कुडाळ.

हुमरस उंचवळा येथे गवारेड्यांची धडक बसून कारिवडे येथील जॅकी ऑगस्तीन अल्मेडा वय 60 रा कारिवडे पेडवेवाडी यांचा जागीच मृत्यू झाला. अल्मेडा हे कुडाळ येथे दुचाकीवरून कामावर येत असताना गवारेड्याच्या कळपाने उडवले. ही घटना २६ जानेवारी रोजी पहाटे ५.३० वा च्या सुमारास घडली .

यातील जॅकी ऑगस्तीन अल्मेडा हे कुडाळ येथे जात होते. हुमरस येथे दोन गवारेडे रस्ता ओलांडताना आढळल्याने त्यांनी आपल्या ताब्यातील दुचाकी थांबवली. गवारेड्यांनी रस्ता ओलांडताच त्यांनी आपली दुचाकी चालू करून पुढे गेले. काही अंतरावर जाता न जातात तोपर्यंत अजून दोन गवारेडे आडवे आले . व गवारेड्यांनी अल्मेडा यांना मोटरसायकलसह उडवून दिले. यानंतर तेथूनच जाणार्या १०८ या रूग्णवाहिकेने त्यांना कुडाळ ग्रामीण रुग्णालयात उपचारासाठी दाखल केले. मात्र त्यापूर्वीच त्यांचा मृत्यू झाला होता.