🛑वेंगुर्ला नगरपरिषदमार्फत सुरु केलेले घोडेबाव गार्डन येथील स्नॅक्स सेंटर थोड्यास दिवसात बंद.;ॲड. मनीष सातार्डेकर.

✍🏼लोकसंवाद /- वेंगुर्ला.

वेंगुर्ला नगरपरिषद मार्फत मोठा गाजावाजा करुन कॅम्प घोडबाव गार्डन येथे स्नॅक्स सेंटर सुरु करण्यात आले होते परंतु सदरचे स्नॅक्स सेंटर थोड्याच दिवसात बंद पडले ते अद्यापपर्यंत सुरु करण्यात आलेले नसुन वेंगुर्ला नगरपरिषदचा याकडे
पुर्णपणे दुर्लक्ष होत असल्याचा आरोप सामाजिक कार्यकर्ते ॲड. श्री. मनीष सातार्डेकर यांनी केला आहे.

वेंगुर्ला नगरपरिषद मार्फत सिंधुरत्न समृद्धी योजनेअंतर्गत वेंगुर्ला कॅम्प येथील घोडेबाव गार्डन येथे मोठा गाजावाजा करुन स्नॅक्स सेंटर सुरु करण्यात आले होते. परंतु थोड्याच दिवसात हे स्नॅक्स सेंटर बंद करण्यात आले व अद्यापर्यंत सदरचे स्नॅक्स सेंटर सुरु करण्यात आलेले नाही. नगरपरिषदेने या स्नॅक्स सेंटरच्या
उभारणीसाठी लाखो रुपये खर्ची घातले परंतु सध्याच्या घडीला सदरचे स्नॅक्स सेंटर धुळखात पडलेले आहे व अशीच परिस्थिती शहरातील वॉटर ए.टी.एम्. मशीनची देखील आहे. तसेच घोडेबाव गार्डनच्या गडग्यावर हल्लीच तारेचे कुंपण करण्यात
आलेले आहे परंतु सदर गार्डनची अवस्था मात्र दयनिय झालेली आहे. सदर गार्डनमधील झाडांची योग्य प्रकारे देखभाल केली जात नसल्याने वेंगुर्ला नगरपरिषद नको त्या गोष्टींवर जनतेचा पैसा वाया घालवत आहे असे सर्व सामान्य जनतेचे मत आहे. त्यामुळे वेंगुर्ला नगरपरिषद अशा योजनांवर लाखो रुपये खर्च करते.परंतु अशा योजना थोड्याच दिवसात बंद पडतात.अशी सद्याची परिस्थिती आहे या योजनांवर खर्च केला जाणारा पैसा हा जनतेचा असुन जनतेच्या पैशाचे योग्य नियोजन करणे हे नगरपरिषदेचे आद्य कर्तव्य आहे.असे असले तरी अशा योजना राबवताना कोणत्याही पद्धतीचे नियोजन नगरपरिषद मार्फत करण्यात येत नाही व त्यामुळे अशा योजना थोड्याच दिवसात बंद करण्याची नामुष्की वेंगुर्ला नगरपरिषदेवर ओढवते. त्यामुळे यापुढे कोणतीही योजना राबविण्यापुर्वी त्याचे योग्यप्रकारे नियोजन करुन मगच अशा योजना राबवाव्यात असे मत देखील ॲड. मनीष सातार्डेकर यांनी व्यक्त केले आहे.

तसेच वेंगुर्ला नगरपरिषद मार्फत सुरु केलेले स्नॅक्स सेंटर तात्काळ सुरु
करण्याबाबत योग्य त्या उपाययोजना कराव्यात तसेच घोडेबाव गार्डन मधील झाडांची देखील योग्य प्रकारे देखभाल करावी जेणेकरुन गार्डनचे सौदर्य वाढण्यास मदत होईल असे मत देखील सामाजिक कार्यकर्ते ॲड. मनीष सातार्डेकर यांनी दिला आहे.