आनंदयात्री वाङ्मय मंडळांच्या स्पर्धांना उत्स्फूर्त प्रतिसाद..

लोकसंवाद /- वेंगुर्ला.

त्रैवार्षिक मराठी साहित्य संमेलनाचे औचित्य साधून वेंगुर्ला येथील आनंदयात्री वाङ्मय मंडळाच्यावतीने बॅ.खर्डेकर महाविद्यालयात घेतलेल्या कथाकथन व वक्तृत्व स्पर्धेत मोठ्या गटातून कुडाळ हायस्कूलच्या श्रावणी आरावंदेकर हिने बाजी मारली. तर लहान गटातील वक्तृत्व स्पर्धेत श्राव्या कांबळी हिने प्रथम क्रमांक पटकाविला. स्पर्धेचे उद्घाटन सुप्रसिद्ध मालवणी कवी रूजारीओ पिटो यांच्या हस्ते झाले.

स्पर्धेचा निकाल पुढीलप्रमाणे-वक्तृत्व स्पर्धा – मोठा गट -प्रथम-श्रावणी आरावंदेकर (कुडाळ हायस्कूल), द्वितीय-साक्षी दळवी (नेमळे हायस्कूल), तृतीय-स्नेहल भुबे (सरस्वती विद्यालय, टांक), उत्तेजनार्थ-रश्मी भगत (खानोलकर हायस्कूल,मठ), स्नेहल मराठे (शिवाजी हायस्कूल, तुळस), लहान गट-प्रथम-श्राव्या कांबळी (उभादांडा नं.१), द्वितीय-प्रांजल नार्वेकर (उभादांडा नं.३), तृतीय-माधव ओगले (वेंगुर्ला नं.२), उत्तेजनार्थ-स्वरा घारे (शिवाजी हायस्कूल, तुळस), श्रीनिवास मयेकर (वेंगुर्ला नं.३)

कथाकथन स्पर्धा – ८वी ते १०वी – प्रथम – श्रावणी आरावंदेकर (कुडाळ हायस्कूल), द्वितीय-महिमा नार्वेकर व तृतीय-स्नेहा वेंगुर्लेकर (न्यू इंग्लिश स्कूल, उभादांडा), उत्तेजनार्थ-दीपा आरोसकर (शिवाजी हायस्कूल, तुळस) व वेदिका कुडव (सरस्वती विद्यालय,टांक)

उद्घाटन प्रसंगी आनंदयात्रीचे अध्यक्ष वृंदा कांबळी, डॉ.संजय लिंगवत, प्रदीप कुबल, चारूता दळवी आद उपस्थित होते. वक्तृत्व स्पर्धेचे परीक्षण प्रा.वैभव खानोलकर, प्रा.महेश बोवलेकर, प्रा.वामन गावडे, प्रा.जी.पी. धुरी यांनी तर कथाकथन स्पर्धेचे परीक्षण विद्या कौलापूरे व प्रा.पांडुरंग कौलपूरे यांनी केले. स्पर्धेचे सूत्रांचालन प्रा.डॉ.सचिन परूळकर यांनी तर आभार महेंद्र मातोंडकर यांनी मानले. स्पर्धा यशस्वी होण्यासाठी विवेक तिरोडकर, महेश राऊळ, गुरूदास तिरोडकर, मंगेश सावंत, संजय पाटील यांनी मेहनत घेतली.