🛑मळेवाड येथे पाच वर्षिय परप्रांतीय बालिकेचा डोक्यावर चीरा पडून मृत्यू.

▪️खान मालकाने प्रकरण परस्पर मिटवले त्या परंप्रांतिय जोडप्याला पाठविले गावी..

✍🏼लोकसंवाद /- सावंतवाडी.

मळेवाड राजगड हॉटेलच्या पाठीमागे चालू असलेल्या चिरेखाणिंमध्ये काम करणाऱ्या एका परप्रांतीय मजुराच्या पाच वर्षीय बालिकेचा मृत्यू ती सकाळी प्रांतविधीसाठी गेली असता डोक्यावर चिरा पडून जागीच झाला मात्र याचा कोणालाच कान कोस लागू न देता संबंधित जिरे खान मालकाने त्या मजूर जोडप्याला हातावर काही रक्कम टेकवून त्यांना त्यांच्या गावी पाठवून दिले आहे. याबाबतची खबर कोणालाच न पोहोचण्याची दक्षता बाळगण्यात आली याची कुजबूज आता मळेवाड नाक्यावर रंगू लागली आहे,संबंधित ठिकाणच्या चरेखाणिंचा अधिकृत परवाना आहे का? की संबंधित चिरेखान या महसूल अधिकाऱ्यांच्या वरदहस्ताने सुरू आहेत याची चौकशी होणे गरजेचे आहे,संबंधित चिरे काढून झालेल्या चिरेखानीमध्ये गोव्यातील केमिकल कंपनीचा वेस्टेड कचरा ज्याला अतिशय उग्र वास येतो असा रात्रीच्या वेळी आणून तो चिरेखान मध्ये ओतून वर भराव टाकून नष्ट करीत असल्याची चर्चा मळेवाड परिसरात सध्या ऐकायला मिळत आहे. तसेच काही चिरेखान मध्ये बॉक्साइड युक्त मिश्रित जांबा दगड विनापरवाना गोवा राज्यात रात्रीच्या वेळी वाहतूक करून नेत असल्याच्याही तक्रारी प्राप्त झाल्या आहेत, त्यामुळे शासनाचा लाखो रुपयांचा महसूल बुडत असून शासनातील अधिकारी मात्र मूग गिळून गप्प आहेत यावर महसूल विभागाने संबंधित चिरेखावण मालकांची चौकशी लावावी व पोलीस प्रशासनाने गांभीर्याने घेऊन याबाबतचा सखोल तपास करावा अशी मागणी काही सामाजिक कार्यकर्त्यांनी आपले नाव न छापण्याच्या अटीवर केली आहे.