🛑जमीन जागेच्या वादातून मसुरेत बंदुक दाखवुन मारण्याची धमकी.;संशयिता विरोधात गुन्हा दाखल,

✍🏼लोकसंवाद /- मालवण

जमीन जागेच्या वादातून मसुरे देऊळवाडा येथील महेश बागवे यांच्यावर सिंगल बॅरल काडतूसाची बंदूक धरून मारण्याची धमकी दिल्याप्रकरणी अश्विन नारायण गावडे रा. मसुरे मर्डे बाजारपेठ याच्यावर शस्त्र परवाना अधिनियमांतर्गत गुन्हा दाखल करण्यात आला आहे.

पोलिसांनी दिलेल्या माहितीनुसार-

महेश बागवे व त्यांचा मुलगा सागर, डंपरचालक ऋषिकेश नेरूरकर आणि जेसीबी ऑपरेटर हे मागवणे घाटी येथील अनिल वंजारी यांच्या सामाईक जमिनीतील माती काढत असताना अश्विन गावडे हा गाडी क्रमांक (एम. एच ०८ एजी १२८५) ही गाडी घेवून त्या ठिकाणी आला आणि माती काढण्यावरून धमकी देऊ लागला. त्यानंतर त्याने गाडीतील सिंगल बॅरल काडतूसाची बंदूक आणून त्याच्याकडे अग्निशमन व दारूगोळा वापरण्याचे अधिकृत परवाना नसतानाही सिंगल बॅरल काडतूसाची बंदूक व काडतूस काढून मला व माझ्यासोबत असलेल्या व्यक्तींना मारण्याची धमकी दिली. अशी तक्रार महेश बागवे यांनी दिली आहे. त्यानुसार पोलीसांनी गुन्हा दाखल केला आहे. याप्रकरणी पोलीस निरीक्षक प्रविण कोल्हे यांच्या मार्गदर्शनाखाली मालवण मसुरे पोलीस तपास करत आहेत.