🛑केरवडेतिल फाले कुटुंबियांना मुख्यमंत्री एकनाथ शिंदेनकडून मिळालेली मदत ही शिंदे शिवसेनेमुळेच..

▪️आमदार वैभव नाईक यांनी फुकटचे श्रेय घेऊ नये,अरविंद करलकर यांचा टोला..

✍🏼लोकसंवाद /- कुडाळ.

वीजेचा धक्का लागून मृत्यूमुखी पडलेले कुडाळ तालुक्यातील महादेवाचे केरवडे येथील धनंजय बाबू फाले यांच्या कुटुंबियांना मुख्यमंत्री एकनाथ शिंदे यांच्या मुख्यमंत्री सहाय्यता निधीतून एक विशेष बाब म्हणून १ लाख रू.आर्थिक मदत मंजूर करण्यात आली आहे.याचे श्रेय घेण्यासाठी आमदार वैभव नाईक यांनी हा निधी आपणच आणल्याचे भासवत आणि तसे सांगत फाले कुटुंबियांची भेट दिली आहे.यावर शिंदे शिवसेनेचे मुख्यमंत्री सहाय्यता निधी कुडाळ तालुका प्रमुख अरविंद करलकर यांनी टीका केली आहे.करलकर यांनी असे सांगितले की,मुख्यमंत्री एकनाथ शिंदे हे शिवसेना पक्षाचे आहेत.आमदार वैभव नाईक हे उद्धव ठाकरे गटाचे आमदार आहेत त्यामुळे आपण निधी आणला असे नाईक यांनी सांगणे म्हणजे हास्यास्पद आहे.फाले यांना आर्थीक निधी मिळावा यासाठी शिंदे शिवसेनेकडून प्रयत्न करण्यात आले आहेत.कोणताही निधी जिल्ह्यात आला तर तो निधी कसा आपणच आणला असे सांगायची सवय नाईक यांना असल्यामुळे त्यांनी अगोदरच फाले कुटुंबियांना धावपळ करून भेट दिली आणि तो निधी आपणच कसा आणला याचे फ़ोटो सेशन केले.

आजपर्यँत मुख्यमंत्री सहाय्यता निधीतून संपूर्ण महाराष्ट्रात जवळपास 183 कोटी पर्यंत निधीचे एकनाथ शिंदे यांनी वाटप केले आहे.आणि त्यात कुडाळ तालुक्यातील 12 कुटुंबातील लोकांना
मुख्यमंत्री सहाय्यता निधीतून पैसे देखील मिळाले आहेत त्यासाठी शिंदे शिसेनेकडून पाठपुरावा करून निधी आजपर्यंत मिळवून दिला आहे.फाले कुटूंबियांना आर्थिक मदत मिळावी म्हणून शिक्षण मंत्री दीपक केसरकर आणि शिवसेना जिल्हाप्रमुख संजय आग्रे ,शिवसेना जिल्हाप्रमुख अशोक दळवी , महिला आघाडी प्रमुख वर्षा कुडाळकर,जिल्हा संघटक रुपेश पावसकर,तालुका प्रमुख योगेश तुळसकर,उप तालुका प्रमुख अरविंद करलकर, यांच्याकडून शिंदे शिवसेनेकडून प्रयत्न करण्यात आले होते, आणि श्रेय घेण्यासाठी मात्र आ. नाईक फाले कुटुंबियांची भेट घेतली आहे.

वैभव नाईक हे मुंबईत गेले की,मुख्यमंत्री एकनाथ शिंदे यांना भेटतात आणि सिंधुदुर्गात आल्यावर नाईक शिंदे यांच्या शिवसेनेची लायकी काढतात ,आणि एकनाथ शिंदेनवर सडकून टीका करतात असे आमदार वैभव नाईक यांचे दुटप्पी पणाचे वागणे बरे नाही जिल्ह्यात आल्यावर टीका ,टिपणी करतात त्यामुळे वैभव नाईक हे नक्की कोणत्या पक्षात आहेत ते त्यांनी एकदा जाहीर करावे असा सवाल शिवसेना कुडाळ उपतालुकाप्रमुख तथा, मुख्यमंत्री सहाय्यता निधी कुडाळ तालुकाप्रमुख अरविंद करलकर यांनी आपल्या प्रसिद्धी पत्रकाच्या माध्यमातून केला आहे.