🛑जुना पत्रादेवी -बांदा रोडवर अवैधरित्या वाहतुक करतांना गोवा बनावटी दारू पकडली..

▪️वाहनासह 7,76,400 रु.किंमतीचा मुद्देमाल राज्य उत्पादन शुल्क विभागाने केला जप्त..

✍🏼लोकसंवाद /- बांदा.

निरीक्षक, राज्य उत्पादन शुल्क, तपासणी नाका इन्सुली ता.सावंतवाडी, जि. सिंधुदुर्ग या पथकाने जुना पत्रादेवी -बांदा रोडवर,अवैधरित्या परराज्यातील मद्याची वाहतुक करतांना चारचाकी वाहनासह अं. 7,76,400 रु. किंमतीचा मुद्देमाल जप्त केला आहे.

मा. श्री. विजय सुर्यवंशी साहेब, आयुक्त, राज्य उत्पादन शुल्क, महाराष्ट्र राज्य, मा. श्री. सुनिल चव्हाण साहेब, संचालक (अं.व.द.) राज्य उत्पादन शुल्क, महाराष्ट्र राज्य मुंबई, मा. श्री. विजय चिंचाळकर साहेब विभागीय उपआयुक्त, राज्य उत्पादन शुल्क, कोल्हापूर विभाग कोल्हापूर, मा. श्री. वैभव वैद्य साहेब,प्र.अधीक्षक, राज्य उत्पादन शुल्क, सिंधुदुर्ग यांच्या मार्गदर्शनाखाली नाताळ व नववर्षाच्या पार्श्वभूमीवर कार्यक्षेत्रात गस्त घालत असताना मिळालेल्या गोपनीय बातमीनुसार जुना पत्रादेवी -बांदा रोड,आरोसबाग तिठ्याजवळ बांदा, ता. सावंतवाडी, जि. सिंधुदुर्ग येथे मध्यरात्री 01.30 च्या सुमारास पाळत ठेवुन संशयीत वाहनांची तपासणी करीत असताना बातमीप्रमाणे वर्णन असणारे ग्रे कलरचे स्कॉर्पिओ चारचाकी वाहन क्र.MH-07-J-0335 या वाहनाची तपासणी केली असता सदर वाहनामध्ये गोवा बनावटीच्या विदेशी मद्याचे विविध ब्रॅन्डचे 50 बॉक्स अवैध मद्यसाठा मिळून आला. सदर प्रकरणी वाहन चालक नामे- चेतन पुरुषोत्तम देऊळकर, वय 29 वर्षे, रा. 182 जुना बाजार, सावंतवाडी, ता. सावंतवाडी, जि. सिंधुदूर्ग यास मुद्देमालासह ताब्यात घेण्यात आले.

सदर गुन्ह्यामध्ये अं. रु.3,26,400/- किंमतीचे मद्य व रु.4,50,000/- किंमतीचे चारचाकी वाहन असा एकुण अं. रु. 7,76,400/- किंमतीचा मुद्देमाल जप्त करण्यात आला असून महाराष्ट्र दारुबंदी कायदा 1949 अंतर्गत विविध कलमानुसार गुन्हा नोंदविण्यात आला.सदर कारवाई श्री. संजय मोहिते, निरीक्षक राज्य उत्पादन शुल्क, तपासणी नाका इन्सुली,

श्री.तानाजी पाटील दुय्यम निरीक्षक, श्री. प्रदीप रास्कर दुय्यम निरीक्षक, श्री. गोपाळ राणे, सहाय्यक दुय्यम निरीक्षक, श्री. दिपक वायदंडे, जवान यांनी केली. सदर प्रकरणी पुढील तपास दुय्यम निरीक्षक, तपासणी नाका इन्सुली श्री. तानाजी पाटील हे करीत आहेत.