🛑साटेली- भेडशी येथे गोवा बनावटी दारुसह,13,88,800.रु. किंमतीचा मुद्देमाल जप्त.; राज्य उत्पादन शुल्क विभागाची कारवाई..

✍🏼लोकसंवाद /- दोडामार्ग.

निरीक्षक, राज्य उत्पादन शुल्क, तपासणी नाका इन्सुली पथकाने करुणा सदन स्कुलजवळ, दोडामार्ग- तिलारीनगर रोडवर आवाडे, साटेली- भेडशी येथे अवैधरित्या परराज्यातील मद्याची वाहतुक करतांना चारचाकी वाहनासह अं. 13,88,800/- रु. किंमतीचा मुद्देमाल जप्त केला आहे.

दि. 06/10/2023 रोजी मा. श्री. विजय सुर्यवंशी साहेब, आयुक्त, राज्य उत्पादन शुल्क, महाराष्ट्र राज्य, मा. श्री. सुनिल चव्हाण साहेब संचालक ( अं.व.द.) राज्य उत्पादन शुल्क, महाराष्ट्र राज्य मुंबई, मा. श्री. विजय चिंचाळकर, विभागीय उपआयुक्त, राज्य उत्पादन शुल्क, कोल्हापूर विभाग कोल्हापूर, मा. श्री. वैभव वैद्य, साहेब, प्र. अधीक्षक, राज्य उत्पादन शुल्क, सिंधुदुर्ग यांच्या मार्गदर्शनाखाली मिळालेल्या गुप्त बातमीनुसार करुणा सदन स्कुलजवळ, दोडामार्ग- तिलारीनगर रोडवर आवाडे, साटेली-भेडशी, ता. दोडामार्ग, जि. सिंधुदुर्ग येथे ऑफीस स्टॉफसह सापळा रचून दोन पंचासमक्ष गोव्याहुन महाराष्ट्रात येणाऱ्या अवैध मद्य वाहतुकीच्या संशयित वाहनांची तपासणी करीत असताना आज दि.06/10/2023 रोजी पहाटे 03.10 च्या सुमारास महिंद्रा कंपनीचे सफेद रंगाचे स्कॉर्पीओ चारचाकी वाहन तपासणी कामी थांबवुन तपासणी केली असता त्यामध्ये गोवा बनावटीचे विदेशी मद्याचा 388.8 (45 बॉक्स) साठा मिळून आला. सदर प्रकरणी आरोपीत इसम नामे ईश्वर रणजीत सिंह, वय 31 वर्षे, रा. जुनासवाडा, मांद्रे, गोवा यास मुद्देमालासह ताब्यात घेण्यात आले. सदर गुन्ह्यामध्ये अं. रु.3,88,800 /- किंमतीचे मद्य तसेच रु.10,00,000/- किमतीचे चारचाकी वाहन असा एकुण अं. रु.13,88,800/- किंमतीचा मुद्देमाल जप्त करण्यात आला असून महाराष्ट्र दारुबंदी कायदा 1949 अंतर्गत विविध कलमानुसार गुन्हा नोंदविण्यात आला. सदर कारवाई मा. श्री. वैभव वैद्य, प्र. अधीक्षक, राज्य उत्पादन शुल्क, सिंधुदुर्ग यांच्या प्रत्यक्ष मार्गदर्शनाखाली श्री. संजय मोहिते, निरीक्षक राज्य उत्पादन शुल्क, तपासणी नाका इन्सुली, श्री. तानाजी पाटील दुय्यम निरीक्षक, श्री. प्रदीप रास्कर दुय्यम निरीक्षक, श्री. गोपाळ राणे, सहाय्यक दुय्यम निरीक्षक, श्री. प्रसाद माळी, जवान व श्री. रणजीत शिंदे, जवान नि. वाहन चालक यांनी केली.सदर प्रकरणी पुढील तपास दुय्यम निरीक्षक, तपासणी नाका इन्सुली श्री. प्रदीप रास्कर हे करीत आहेत.