🛑बेकायदेशीर रित्या गोवा बनावटी वाहतूक करणाऱ्या दोघांना दोडामार्ग पोलिसांनी घेतले ताब्यात..

▪️१ लाख ७८ हजाराचा मुद्देमाल जप्त..

✍🏼लोकसंवाद /- दोडामार्ग.

गोवा बनावटीची दारूची बेकायदेशीर रित्या वाहतूक केल्याप्रकरणी दोडामार्ग पोलिसांनी चंदगड येथील दोघांना ताब्यात घेतले आहे. त्यांच्याकडून ६९ हजाराच्या दारूसह टाटा सुमो असा १ लाख ७८ हजाराचा मुद्देमाल जप्त करण्यात आला आहे. मनोज विठोबा तुपारे (वय ४२, रा. पाटणे, ता. चंदगड, जिल्हा कोल्हापूर) व विजय वामन कळंगुटकर ( वय ४३, रा. हेरे, ता. चंदगड) अशी त्यांची नावे आहेत.

ही कारवाई वीजघर येथील तपासणी नाक्यावर आज करण्यात आली. याप्रकरणी पोलीस निरीक्षक अरुण पवार यांच्या मार्गदर्शनाखाली हवालदार श्री. देसाई तपास करीत आहेत. गोव्याहून चंदगडच्या दिशेने दारू वाहतूक होत असल्याची माहिती अज्ञातांकडून पोलिसांना देण्यात आली होती. त्यानुसार हा सापळा रचण्यात आला होता. यावेळी दोघे संशयित दारू वाहतूक करताना आढळून आले.