🛑एकतर्फी प्रेमातून वर्दे येथील दामिनी पालवची निर्घृण हत्या.

✒️लोकसंवाद /- कुडाळ.

वर्दे-कडावल येथील महाविद्यालयीन युवती दामिनी पालव हिची निर्घृण हत्या करून फरार झालेल्या आरोपीला सिंधुदुर्ग पोलिसांच्या स्थानिक गुन्हे अन्वेषण विभागाने अवघ्या पाच तासांत अटक केली.साहिल धुरी (वय 22, रा. धुरीवाडा-मठ, ता. वेंगुर्ले) असे आरोपीचे नाव आहे. पोलिसांनी रात्री सुमारे अकरा वाजण्याच्या सुमारास त्याच्या राहत्या घरी छापा टाकून त्याला ताब्यात घेतले.यावेळी आरोपीने रक्ताने माखलेले कपडे पोलिसांच्या ताब्यात दिल्याची माहिती आहे.या घटनेमुळे सिंधुदुर्ग जिल्ह्यात खळबळ उडाली असून,महाविद्यालयीन तरुणीच्या हत्येमुळे महिला सुरक्षेचा प्रश्न पुन्हा ऐरणीवर आला आहे.

प्रेमास नकार दिल्याच्या रागातून हत्या केल्याचा संशय
प्राथमिक तपासानुसार,इन्स्टाग्रामवरील ओळखीतून आरोपी साहिल धुरी याचे दामिनी पालव हिच्याबाबत एकतर्फी प्रेम निर्माण झाले होते.दामिनीने त्याच्या प्रेमाला प्रतिसाद दिला नाही आणि तिचे लग्न ठरल्याच्या रागातून त्याने हे टोकाचे पाऊल उचलल्याचा संशय व्यक्त करण्यात येत आहे.

मिळालेल्या माहितीनुसार,आरोपी दामिनीची वाट पाहत घटनास्थळी थांबला होता.महाविद्यालयातून एसटीने प्रवास करून दामिनी आपल्या गावात उतरून घरी जात असताना आरोपीने तिची वाट अडवली. त्याने तिच्याकडे प्रेम स्वीकारण्याचा आग्रह धरला.मात्र, दामिनीने नकार दिल्यानंतर आरोपीने तिच्यावर धारदार शस्त्राने वार केल्याचे प्राथमिक माहितीतून समोर आले आहे.या हल्ल्यात दामिनीचा मृत्यू झाला.

🛑एकतर्फी प्रेमातून वर्दे येथील दामिनी पालवची निर्घृण हत्या.

ByLoksanvad News

By Loksanvad News

Related Post

🛑कौटुंबिक हिंसाचाराविरोधात महिलांनी आवाज उठवावा.;उपजिल्हाधिकारी आरती देसाई

🛑वर्देत महाविद्यालयीन युवतीची निर्घृण हत्या प्रकरणातील संशयित आरोपीला वेंगुर्ले मठ धुरीवाडी येथुन अटक.