🛑कार्मिस आल्मेडा यांना राज्य स्तरीय आरोग्य दूत पुरस्कार जाहीर..

✒️लोकसंवाद /- वेंगुर्ला.

नैसर्गिक पर्यावरण संवर्धन व मानवता विकास केंद्र भारत …५ वे राष्ट्रीय पर्यावरण संमेलन कुडाळ येथे १० मे रोजी आयोजित करण्यात आले होते. ही संस्था संपूर्ण भारत देशात कार्यरत असून महाराष्ट्र राज्यात ह्या वर्षी सिंधुदुर्ग जिल्हाला हा मान मिळाला होता… राज्यातील नागपूर, चंद्रपूर, गडचिरोली, राजुरा, बल्लारपूर, गडचांदुर, मुंबई, ठाणे, पालघर, रायगड, रत्नागिरी वेगवेगळ्या क्षेत्रातील मान्यवर व पर्यावरण प्रेमी यावेळी मोठया संख्येने उपस्थित होते. यावेळी उभादांडा वेंगुर्ला तालुक्यातील सामाजिक कार्यकर्ते श्री. कार्मिस पेद्रू आल्मेडा यांना त्याच्या विशेष आरोग्य सेवेबद्दल तसेच सामाजिक क्षेत्रातील उल्लेखनीय कामगिरी बद्दल राष्ट्रीय पर्यावरण समितीने आरोग्य दूत राष्ट्रीय पुरस्कार देऊन सन्मानित करण्यात आले. हा पुरस्कार मानवता विकास संस्थेचे अध्यक्ष श्री.सुयोग धस यांच्या मार्फत देण्यात आला.यावेळी समाज भूषण पुरस्कार, उद्योग रत्न पुरस्कार, पर्यावरण प्रेमी पुरस्कार असे महाराष्ट्र राज्यातील वेगवेगळ्या जिल्यातील लोकांना पुरस्कार देण्यात आले. श्री. कार्मिस आल्मेडा यांना आरोग्य क्षेत्रात तसेच गेली २० वर्षे रक्तदान शिबिर आयोजित करून हजारो गोरगरीब लोकांना मोफत रक्त पुरवठा आरोग्याच्या बाबतीत वेगवेगळी सेवा, शासनाच्या योजना लोकांपर्यंत पोचविणे इत्यादी गेली २५ वर्षे सामाजिक, क्रीडा, संस्कृतीक या क्षेत्रात सातत्याने लोकांच्या संपर्कात असतात. कोरोना काळात खूप मोठ समाज सेवेच काम त्यांनी केलं होतं… अश्या या सामाजिक कार्यकर्त्याला आरोग्य दूत पुरस्कार देऊन सन्मान केल्या बद्दल सर्वत्र कौतुक होत आहे.