🛑आंदुर्लेत उद्यापासून कला महोत्सवाचे आयोजन.;सांस्कृतिक कार्यक्रमाची असणार मेजवाणी..

🖋️लोकसंवाद /- कुडाळ.

मुख्यमंत्री समृद्ध पंचायतराज अभियानांतर्गत आंदुर्ले ग्रामपंचायतीच्यावतीने २२ व २३ ऑक्टोबर रोजी श्री देवी आंदुर्लाई मंदिर येथे ‘कला महोत्सव २०२५’चे आयोजन करण्यात आले आहे.यानिमित्त विविध कार्यक्रम होणार आहेत.गावातील कला,संस्कृतीचे संवर्धन व प्रसार या महोत्सवातून होणार आहे. २२ रोजी सकाळी १० वाजता सुदृढ वासरू स्पर्धा, ११ वाजता सुदृढ बालक स्पर्धा (वयोगट १ ते ३ वर्ष), सायंकाळी ६ वाजता महिलांसाठी पाककला कृती स्पर्धा (शाकाहारी पदार्थ), ७ वाजता कला महोत्सव शुभारंभ, ७.३० वाजता वेशभूषा स्पर्धा, रात्री ८ वाजता खेळ पैठणीचा कार्यक्रम, २३ रोजी सकाळी ९.३० वाजता रांगोळी स्पर्धा (खुला गट), सायंकाळी ६ वाजता पर्यावरणपूरक आकाश कंदील स्पर्धा, ६.३० वाजता टाकाऊ वस्तूंपासून बनविलेल्या हस्तकला स्पर्धा, ६.४५ वाजता जुन्या साड्यांपासून कापडी पिशव्या बनविणे स्पर्धा, ७ वाजता पारितोषिक वितरण, ७.३० वाजता गावातील शालेय विद्यार्थ्यांचे सांस्कृतिक कार्यक्रम होणार आहेत. उपस्थित राहण्याचे आवाहन करण्यात आले आहे.