🛑कुडाळमध्ये दत्तराज मित्रमंडळाच्या वतीने दीपावली निमित्त आकाशकंदील व किल्ले बनविणे स्पर्धा..

🖋️लोकसंवाद /- कुडाळ.

कुडाळ येथील छत्रपती शिवाजी महाराजनगर येथील दत्तराज मित्रमंडळाच्या वतीने दीपावलीनिमित्त आकाशकंदील व शिवकालीन किल्ला बनविणे या स्पर्धांचे आयोजन करण्यात आले आहे.बांबू व कागद यांचा वापर करुन पारंपरिक आकाश कंदील (प्लास्टिक व थर्माकोल यांचा वापर न करता) बनविण्याची स्पर्धा तसेच शिवकालीन किल्ला बनविणे, या स्पर्धांचे आयोजन करण्यात आले आहे. विजेत्यांना पारितोषिके व रोख रक्कम देऊन गौरविण्यात येणार आहे.

किल्ले स्पर्धा : प्रथम क्रमांक ५

हजार रु., द्वितीय ३ हजार रु., तृतीय २ हजार रु. तसेच उत्तेजनार्थ दोन प्रत्येकी १ हजार रु. आकाश कंदील स्पर्धा -प्रथम क्रमांक ३ हजार रु., द्वितीय २ हजार रु., तृतीय १ हजार रु. तसेच उत्तेजनार्थ दोन प्रत्येकी ५०० रु. अशी पारितोषिके आहेत. कुडाळ नगर पंचायतीच्या हद्दीतील सर्वांना या स्पर्धेत भाग घेता येईल. उदय बल्लाळ यांच्याशी संपर्क साधावा असे आवाहन आयोजकांच्या वतीने करण्यात आले आहे.