🛑मोरे बंदूक साहित्य,बंदूक तसंच गवा रेडा व सांबार शिंग छापा प्रकरणी पोलीस कोठडी फेटाळली.

◼️अ‍ॅड.विवेक मांडकुलकर यांचा यशस्वी युक्तिवाद.

🖋️लोकसंवाद /-  समिल जळवी, कुडाळ.

मोरे गावातील बंदूक कारखान्यावर छापा प्रकरणी विना परवाना कारखाना बंदूक बनवण्याचा साहित्य व गवा व सांबराची शिंगे ताब्यात मिळाल्या प्रकरणी संशयित आरोपींची पोलीस कस्टडी मे. न्यायालयाने नाकारली व न्यायालयीन कोठडी मंजूर केली.
संशयित आरोपी शांताराम पांचाळ,परेश उर्फ आप्पा धुरी आणि सागर घाडी तर्फे अ‍ॅड.विवेक मांडकुलकर तर आरोपी यशवंत देसाई तर्फे अ‍ॅड.गौरी देसाई व प्रकाश गुरव तर्फे अ‍ॅड.सुधीर राऊळ यांचा यशस्वी युक्तिवाद.

यावर सविस्तर हकीगत अशी कि, दि.०२/०८/२०२५ रोजी कुडाळ पोलिसांनी मोरे मधलीवाडी येथील शांताराम पांचाळ यांच्या घरातून व परेश धुरी याच्या फब्रिकेशन दुकानातून छापा टाकून बंदुका व बंदूक बनवण्याचे साहित्य मशीन या सह १,१७,०००/- चे साहित्य तसेच गवा रेड्याचे व हरणाचे शिंग जप्त करून त्यांच्या विरुद्ध गुन्हा दाखल केला .त्यानंतर सागर लक्ष्मण घाडी यांच्या कडून दोन बंदुका व दोन बंदुकीचे लाकडी बट व चार जिवंत काडतुसे तेसेच आजरा येथील यशवंत देसाई यांच्याकडून दोन बंदुका आणि गुरव यांच्याकडून एक बंदूक जप्त करून या संशयित आरोपीन विरुद्ध कुडाळ पोलीस गु.रजि.न. २५१/२०२५ शस्त्र अधिनियम १९५९ चे कलम ३, ५, ७, २५, २७, २९, सह वन्यजीव संरक्षण अधिनियम १९७२ चे कलम ९, ३१ भारतीय न्याय संहिता २०२३ चे कलम ४९, ३(५) व महाराष्ट्र दारूबंदी अधिनियम १९४९ चे कलम ६५(ई) प्रमाणे रिमांड रिपोर्ट समवेत मे.न्यायालयात दि.०३/०८/२०२५ रोजी हजर करून १० दिवस पोलीस कस्टडीची मागणी केली. भारतीय नागरिक सुरक्षा संहिता २०२३ प्रमाणे आरोपीच्या अटके बाबतच्या लेखी सूचना पोलिसांनी आरोपीच्या नातेवाईकास न दिल्याने तसेच मुद्देमालाची झालेली रिकव्हरी याचा विचार करून कुडाळ येथील दिवाणी न्यायाधीश श्री.ग.अ.कुलकर्णी यांनी पोलीस कोठडीची मागणी नामंजूर करून न्यायालयीन कोठडी सुनावली.

संशयित आरोपी शांताराम पांचाळ, परेश धुरी आणि सागर घाडी तर्फे अ‍ॅड.विवेक मांडकुलकर अ‍ॅड.प्रणाली मोरे , अ‍ॅड.विनय मांडकुलकर, अ‍ॅड.वृशांक जाधव अ‍ॅड.सुयश गवंडे तर आरोपी यशवंत देसाई तर्फे अ‍ॅड.गौरी देसाई व प्रकाश गुरव तर्फे अ‍ॅड.सुधीर राऊळ यांनी काम पहिले.