🛑गांजा विक्री केल्या प्रकरणी एकाची जामिनावर मुक्तता.;ॲड.विवेक मांडकुलकर यांचा युक्तिवाद.

🖋️लोकसंवाद /- कुडाळ.

गांजा विक्री केल्या प्रकरणी आरोपी केतन आनंद सुकी यांची दि. २३/०७/२०२५ रोजी जिल्हा न्यायाधिश श्रीम. जे. पी. झपाटे यांनी जामिनावर मुक्ततेचा आदेश केला.आरोपीच्या वतीने तर्फे ॲड.विवेक भालचंद्र मांडकुलकर यांनी केलेला युक्तिवाद ग्राह्य मानून जामिनावर मुक्तता केला. आणि ॲड. प्रणाली मोरे, ॲड. विनय मांडकुलकर, ॲड. वृषांग जाधव, व ॲड. सुयश गवंडे यांनी काम पाहिले.

१. कुडाळ पोलीस ठाणे गुन्हा रजिस्टर नं.२०९/२०२५ चे कामी आरोपी यांच्यावर गुंगीकारक औषधीद्रव्ये व मनोव्यापारावर परिणाम करणारे पादार्थ अधिनियम १९८५ चे कलम ८ (क), २०(ब) (ii) (ब),२५ अन्वये गुन्हा दाखल.

२. याबाबत गुन्ह्याची प्राथमीक हकीकत अशी कि, फिर्यादी यांना दिनांक ०४/०७/२०२५ रोजी फिर्यादीयांच्या खास बातमीदारा मार्फत १३:४० वाजता बातमी मिळाली की कुडाळ रायकरवाडी या ठिकाणी आरोपी क्र. १ म्हणजेच विशाल वाडेकर याने आपले राहते घरात एका पिशवी मध्ये गांजा विक्री करीता आणून ठेवलेला आहे. या बातमी वरून फिर्यादी यांनी आरोपी क्र. १ यांच्या राहत्या घरी छापा मारला असता त्या ठिकाणी त्यांना एका काळ्या रंगाची सॅक मिळून आली. सदर सॅकची झडती केली असता त्या सॅकमध्ये एका प्लॅस्टिक पिशवी मध्ये उग्र दर्प असलेला हिरवट रंगाचा गांजा मिळून आला. सदर गांज्याचे वजन १.६८० कि.ग्रॅ असल्याचे आढळून आले. सदर गांज्याच्याबाबत आरोपी क्र. १ याला विचारणा केली असता त्यांने सदरचा गांजा अर्जदार (आरोपी क्र. २) केतन सुकी रा. वेंगुर्ला याचे कडून आपण विक्री करण्याकरिता आणल्याचे सांगितले.

३. दिनांक ०४/०७/२०२५ रोजी १५:०५ वा. रायकरवाडी, काविलकाटे, ता कुडाळ येथे आरोपी क्र. १ यानी अर्जदार यांच्या कडून विकत घेतलेला १.६८० किलो. ग्र. वजनाचा व ५२,०००/- रुपये किमतीचा गांजा आपले ताबा कब्जात बाळगलेल्या स्थितीत मिळून आला. म्हणून आरोपी क्र. १ व २ (अर्जदार) यांच्यावर गुंगीकारक औषधीद्रव्ये व मनोव्यापारावर परिणाम करणारे पादार्थ अधिनियम १९८५ चे कलम ८ (क), २०(ब) (ii) (ब),२५ अन्वये गुन्हा दाखल करण्यात आला.

४. आरोपी क्र. १ यांना दिनांक ०५/०७/२०२५ रोजी कुडाळ येथील मे. न्यायालयात रिमांड रिपोर्ट समवेत हजर करण्यात आले. सदर रिमांड रिपोर्ट मध्ये आरोपी क्र. १ यांची सात दिवसांच्या पोलीस कस्टडीची मागणी केली असता कुडाळ येथील मे. प्रथमवर्ग न्यायालयाने आरोपी क्र. १ यांना दोन दिवसांची पोलीस कस्टडीत ठेवण्याचा आदेश केला.

५. दिनांक ०७/०७/२०२५ रोजी आरोपी क्र. १ यांना ओरोस येथीन मे. जिल्हा व सत्र न्यायाधीश साहेब यांच्या कडे रिमांड रिपोर्ट समवेत हजर करून न्यायालयीन कोठडीची मागणी केली त्या अनुषंगाने मे. न्यायालयाने आरोपी यांना न्यायलयीन कोठडीत ठेवण्याचा आदेश केला.

६. दि.१६/०७/२०२५ रोजी आरोपी क्र.२ म्हणजेच अर्जदार यांना अटक करून दि.१७/०७/२०२५ रोजी कुडाळ येथील मे.न्यायालयात रिमांड रिपोर्ट समवेत हजर करून पाच दिवसांच्या पोलीस कस्टडीची मागणी केली असता कुडाळ मे.न्यायालयाने दि.१८/०७/२०२५ पर्यंत पोलीस कस्टडीत ठेवण्याचा आदेश केला.

७. दि.१८/०७/२०२५ रोजी आरोपी क्र.२ यांना ओरोस येथील मे. जिल्हा व सत्र न्यायाधीश यांच्याकडे हजर करून आरोपी क्र.२ यांची दोन दिवसांच्या पोलीस कस्टडीची मागणी केली व आरोपी क्र.१ यांचा ताबा घेण्याची मागणी केली. मे.न्यायालयाने आरोपी क्र. २ याची दि.२०/०७/२०२५ पर्यंतची पोलीस कस्टडीत ठेवण्याचा आदेश केला.

या गुन्ह्याचा कामी दि.१९/०७/२०२५ रोजी आरोपी क्र.३ यांना अटक करण्यात आली. दि.२०/०७/२०२५ रोजी आरोपी क्र.१ व २ यांना ओरोस येथील मे.न्यायालयात रिमांड रिपोर्ट समवेत हजर करून २ दिवसांच्या पोलीस कस्टडी ची मागणी केली. मे.न्यायालयाने पोलीस कस्टडी ची मागणी नकारून आरोपी क्र.१ व २ यांची न्यायालयीन कोठडीत रवानगी केली.सदरचा गुन्हा सेशन ट्रायबल असल्या कारणाने त्या गुन्ह्याच्या कामी आरोपी तर्फे ॲड. विवेक भालचंद्र मांडकुलकर यांनी जिल्हा न्यायालयात दिनांक २१/०७/२०२५ रोजी दाखल केला व त्याची सुनावणी २३/०७/२०२५ रोजी झाली. मे न्यायालया समोर झालेला युक्तिवाद मे. न्यायालयाने ग्राह्य मानून व दाखल केलेल्या कागदपत्रांचा विचार करून आरोपीला योग्य त अटी-शर्तीवर जामिनावर मुक्तता करण्यात आली. आरोपीच्या वतीने ॲड. विवेक मांडकुलकर, ॲड. प्रणाली मोरे, ॲड. विनय मांडकुलकर, ॲड. वृषांग जाधव, व ॲड. सुयश गवंडे यांनी काम पाहिले.