🛑अखिल भारतीय मराठा महासंघ सिंधुदुर्ग मार्फत पणदूर येथे १९ जुलै रोजी स्पर्धा परीक्षा मार्गदर्शन वर्गाचे आयोजन.

🖋️लोकसंवाद /- कुडाळ.

अखिल भारतीय मराठा महासंघ सिंधुदुर्ग मार्फत शिवाजी इंग्लिश स्कुल व दादासाहेब तिरोडकर कनिष्ठ महाविद्यालय पणदूर तिठा येथे शनिवार दिनांक १९ जुलै २०२५ रोजी दुपारी ठीक २.३० वाजता श्री सत्यवान यशवंत रेडकर यांच्या स्पर्धा परीक्षा मार्गदर्शन वर्गाचे आयोजन करण्यात आलेले आहे.

कोकणातील मुले दहावी, बारावी मध्ये उल्लेखनीय यश प्राप्त करतात, किंबहुना कोकण बोर्ड अस्तित्वात आल्यापासून संपूर्ण राज्यात कोकण बोर्ड पास होण्याच्या टक्केवारी मध्ये अव्वल असते. परंतु, पुढे जाऊन हीच हुशार मुले कुठे अडखळतात..? त्यांचे करिअरच्या उद्देशाने केवळ इंजिनिअर, डॉक्टर होणे एवढेच ध्येय असते का..? शासकीय अधिकारी म्हणून ही मुले का पुढे येत नाहीत..? त्यांना योग्य मार्गदर्शन मिळत नाही का..? असे अनेक प्रश्न उपस्थित होतात. त्यामुळे कोकणातील मुले देखील शासकीय अधिकारी बनून कोकणचे नाव रोशन करावे असे स्वप्न घेऊन कोकणचे सुपुत्र कनिष्ठ अनुवाद अधिकारी, मुंबई सीमाशुल्क श्री.सत्यवान यशवंत रेडकर सिंधुदुर्ग जिल्ह्यातील मुलांना शासकीय स्पर्धा परीक्षांना सामोरे जाण्यासाठी नेहमी विनामूल्य मार्गदर्शन करत असतात.

सदर मार्गदर्शन वर्ग हा निशुल्क असून ९ वी ते १२ वी आणि महाविद्यालयीन विद्यार्थी, स्पर्धा परिक्षा देणारे विद्यार्थी यांनी या वर्गाचा लाभ घ्यावा असे आवाहन अखिल भारतीय मराठा महासंघाने केले आहे. सोबत येताना वही व पेन आणावे.

अखिल भारतीय मराठा महासंघ सिंधुदुर्ग अशाच प्रकारे विविध ठिकाणी शैक्षणिक कार्यक्रमांचे आयोजन करून विद्यार्थ्यांमध्ये स्पर्धा परीक्षा चे अनुकूल वातावरण निर्मिती करण्यासाठी प्रयत्नशील राहणार आहे. प्रशासकीय व्यवस्थेत जास्तीत जास्त सिंधुदुर्ग जिल्ह्यातील टक्का वाढावा यासाठी सदर शैक्षणिक मार्गदर्शन विविध ठिकाणी आयोजित केले जातील.