🛑”एस्. के. पाटील शिक्षण प्रसारक मंडळ पाटच्या नवीन कार्यकारी संचालक मंडळाचे प्रशालेतर्फे स्वागत.”

🖋️लोकसंवाद /- कुडाळ.

एस्. के. पाटील शिक्षण प्रसारक मंडळ पाट पंचक्रोशी, पाटच्या सन 2025 ते 28 यावर्षीच्या नूतन कार्यकारी संचालक मंडळातील सदस्यांचे प्रशालेच्या वतीने मुख्याध्यापक राजन हंजनकर यांनी पुष्पगुच्छ देऊन मोठ्या उत्साहात स्वागत केले.

संस्था अध्यक्ष- दिगंबर अच्युत सामंत, उपाध्यक्ष- गुरुनाथ गोपाळ पाटकर, कार्याध्यक्ष- देवदत्त सहदेव साळगांवकर ,कार्यवाह- विजय दामोदर ठाकूर, खजिनदार -दीपक प्रभाकर पाटकर, संचालक मंडळ- अवधूत सुभाष रेगे ,नारायण केशव तळवडेकर, राजेश विद्याधर सामंत, सुधीर मनोहर मळेकर, महेश बाबुराव ठाकूर ,महाबळेश्वर नरहरी कोचरेकर ,शरद विष्णू कोनकर -हिशेब तपासनीस.

या सर्व नूतन संस्था पदाधिकाऱ्यांच्या उपस्थितीत शाळेत नवीन प्रवेश घेतलेल्या इयत्ता पहिली ते बारावीच्या विद्यार्थ्यांचे व त्यांच्या पालकांचे बँड पथकाच्या जल्लोषात गुलाब पुष्प देऊन संस्था व प्रशालेच्या वतीने स्वागत करण्यात आले .नूतन कार्यकारी संचालक मंडळातील सर्व सदस्यांनी उपस्थित असलेल्या सर्व शिक्षक ,शिक्षकेतर- कर्मचाऱ्यांना अधिक उत्साहात, नव्या जोमाने शाळेसाठी व संस्थेसाठी काम करा व प्रगती साधा; असा अनमोल संदेश आपल्या भाषणातून दिला. कार्यक्रमाचे प्रास्ताविक व स्वागत प्रशालेचे मुख्याध्यापक राजन हंजनकर यांनी केले व सूत्रसंचालन ज्येष्ठ शिक्षक संदीप साळसकर व आभार प्रदर्शन प्रशालेचे पर्यवेक्षक सयाजी बोंदर यांनी केले.