🛑सरकारकडून रेशन कार्डधारक बहिणींना रेशन दुकानात धान्यासह मोफत साडी मिळणार.

✍🏼लोकसंवाद /- मुंबई.

सरकारने लाडक्या बहिणींना आणखी एक भेटवस्तू देण्याची घोषणा केली आहे. राज्य सरकारने पात्र रेशन कार्डधारक बहिणींना दुकानात धान्यासह मोफत साडी देण्याची घोषणा केली आहे. या साड्या उत्सवाच्या दिवशी वाटल्या जातील. हा उपक्रम वस्त्रोद्योग विभागामार्फत राबविला जाईल. साड्यांचा दर्जा कसा असेल? सरकारने लाडक्या बहिणींना भेटवस्तू देण्याची घोषणा केली असली तरी हा सर्वात मोठा प्रश्न आहे. तसेच, महिलांना त्यांच्या आवडत्या रंगाच्या साड्या मिळतील की त्याच रंगाच्या साड्या राज्यभर वाटल्या जातील हे पाहणे महत्त्वाचे ठरेल. मध्यंतरी अशाच प्रकारचा साडीवाटपाचा प्रयत्न सरकारने केला होता. तेव्हा साड्यांचा दर्जा अगदीच सुमार असल्याने नाराजी व्यक्त होत होती. तर काही स्वाभिमानी भगिनींनी साड्या परत केल्या होत्या.