रोटरी क्लब ऑफ कुडाळचे समाजपयोगी उपक्रम कौतुकास्पद ,कुडाळमध्ये विविध खेळांची सर्वोत्तम अकादमी उभारणार.;आ.निलेश राणे.

जिल्हास्तरीय एम फीट क्लासिक 2025 च्या शरिर सौष्ठव स्पर्धेत संदेश सावंत प्रथम..

लोकसंवाद /- कुडाळ.

रोटरी क्लब ऑफ कुडाळचे समाजपयोगी उपक्रम कौतुकास्पद ,कुडाळ येथे विविध खेळाचे आंतरराष्ट्रीय दर्जाचे क्रीडा अकादमी उभारणार असे कुडाळ येथील भव्य जिल्हास्तरीय शरिर सौष्ठव स्पर्धेच्या उदघाटनवेळी कुडाळ मालवण विधानसभा आमदार निलेश राणे यांनी व्यक्त केले.
निरोगी व सुदृढ जीवन जगण्याचा संदेश घेवून रोटरी क्लब ऑफ कुडाळ व एम फीट जीम कुडाळ आयोजित भव्य जिल्हास्तरीय शरिरसौष्ठव स्पर्धा नगरपंचायत पार्किंग मैदान कुडाळ भैरववाडी येथे संपन्न झाली.यावेळी सिंधुदूर्ग अप्पर पोलिस अधिक्षक कृषिकेश रावले ,कुडाळ तहसिलदार विरसिंग वसावे ,कुडाळ नगराध्यक्षा सौ प्राजक्ता शिरवलकर ,नगरसेवक विलास कुडाळकर,चांदनी कांबळी ,ॲड. कुडाळकर,माजी जि.प.सदस्य संजय भोगटे,माजी सभापती सुनिल भोगटे,रोटरी डिस्ट्रिक्ट सेक्रेटरी प्रणय तेली व राजेश घाटवळ,रोटरी क्लब ऑफ कुडाळचे अध्यक्ष डाॅ संजय केसरे ,सचिव राजीव पवार,इव्हेंट चेअरमन सचिन मदने,एम फीट जीमचे मनिष भोगटे,अमेरिकेहून आलेले आंतरराष्ट्रीय बाॅडीबिल्डर कबीर भरारा,सिंधुदूर्ग काॅग्रेस पार्टीच्या अध्यक्षा सौ साक्षी वंजारी,कुडाळ पोलिस स्टेशनचे सहायक पोलिस निरिक्षक राजेंद्र पालवे ,पोलिस उपनिरिक्षक गणेश क-हाडकर व प्रमोद वाघाटे ,क्रेडाई सिंधुदुर्ग अध्यक्ष गजानन कांदळगावकर,परिक्षक आशिष वर्तक,सावंत,साईराज जाधव,अमित कदम,शिवाजी जाधव ,रोटरी सेवा प्रतिष्ठानचे अध्यक्ष ॲड राजीव बिले,राजन बोभाटे,शशिकांत चव्हाण,शिवसेना शहरप्रमुख रोहित भोगटे आदी मान्यवर उपस्थित होते.
*भविष्यात रोटरी सोबत पोलिस विभागाचा उपक्रम घेवू* – अप्पर पोलिस अधीक्षक कृषीकेश रावले
रोटरी क्लब ऑफ कुडाळ ने एम फीट जीमला सोबत घेवून नेत्रदिपक भव्य जिल्हास्तरीय शरिरसौष्ठ स्पर्धेचे आयोजनाचे कौतुक आहेच पण भविष्यात रोटरीसोबत सिंधुदुर्ग पोलिस विभागाचा एक उपक्रम घेवू असे प्रतिपादन अप्पर पोलिस अधिक्षक कृषीकेश रावले यांनी केले.
*स्पर्धेचा निकाल*-
50-55 वजनी गटात विशाल जाधव (एम फीट जीम कुडाळ) विजेता,55-60 गटात विपूल करलकर( गिअरअप जीम पिंगुळी),60-65 गटात रोहित कुरमूळे ( एम फीट जीम कुडाळ),65-70 गटात बाळा नार्वेकर (एम्पायर जीम कुडाळ),70-75 गटात राहूल राऊळ (जीम शिवाजी फिटनेस सावंतवाडी),खुलागटात संदेश सावंत (बी.एम सी जीम बांदा) विजेता ठरले.
*भारतातील पहिली शरिरसौष्ठव स्पर्धा पाहण्याची संधी मिळाली*- आंतरराष्ट्रीय बाॅडी बिल्डर कबीर भरारा
17 वर्षानंतर अमेरिकेतून भारतातील पहिली भव्य जिल्हास्तरीय शरिरसौष्ठ स्पर्धा पाहण्याची संधी रोटरी क्लब ऑफ कुडाळ व एम फीट जीम कुडाळ मुळे मिळाली.दरवर्षी या स्पर्धेला येण्याचा मानस कबीर भरारा यांनी व्यक्त केला.
*10 वर्षाच्या कुडाळच्या तनिष काळपने वेधले लक्ष*–
या स्पर्धत बेस्ट पोझिंग फेरीमध्ये कुडाळच्या 10 वर्षाच्या तनिष काळपने सहभाग घेत सर्व उपस्थितांचे लक्ष वेधले.
प्रत्येक वजनी गटातील विजेत्या स्पर्धकांना बाॅयफ्रेंड मेन्स कुडाळ कुणाल पावसकर यांचेकडून झीपर भेट देण्यात आली.
*मॅप इव्हेंटची नेत्रदिपक व्यवस्था*—
या स्पर्धेला नेत्रदिपक लाईट ,उत्तम साऊंड ,एल ईडी स्क्रीन ,लाईव्ह प्रक्षेपण ,ड्रोन कॅमेरा व्यवस्था कुडाळची मॅप इव्हेंट कंपनीने केल्याने उपस्थितांनी विशेष कौतुक केले.
उत्तम निवेदन सचिन मदने यांनी केले.