🛑महिलेच्या मनात लज्जा उत्पन्न होईल असे वर्तन केल्याच्या आरोपातून सर्व आरोपींची निर्दोष मुक्तता.;आरोपी तर्फे ॲड विवेक मांडकुलकर यांचा यशस्वी युक्तिवाद.

✍🏼लोकसंवाद /- कुडाळ.

महिलेच्या मनात लज्जा उत्पन्न होईल असे वर्तन केल्याच्या आरोपातून संशयित आरोपी युवराज विजय सावंत, वेदिता विजय सावंत दोघेही रा.पोखरण याची कुडाळ येथील मे.प्रथमवर्ग न्यायदंडाधिकारी श्री. पी.आर.ढोरे यांनी सबळ पूराव्या अभावी निर्दोष मुक्तता केली. आरोपी तर्फे ॲड विवेक मांडकुलकर, ॲड प्रणाली मोरे, ॲड भुवनेश प्रभुखानोलकर यांनी काम पाहिले. तसेच ॲड वृषांग जाधव यांचे सहकार्य लाभले.

सविस्तर वृत्त असे की, दिनांक १५/०४/२०२० रोजी फिर्याद महिलेच्या मनात लज्जा उत्पन्न होईल असे वर्तन संशयित आरोपी युवराज सावंत याने केले तसेच दिनांक १८/०४/२०२० रोजी युवराज सावंत आणि त्याची आई वेदीता सावंत यांनी फिर्यादी महिलेस हाताच्या थापटाने व लाथाबुक्क्यांनी मारहाण केली तसेच युवराज सावंत याने विहिरीवर पाणी घेण्यासाठी आलात तर ठार मारेन अशी धमकी दिली अशी फिर्याद कुडाळ पोलीस ठाणे येथे देण्यात आली होती. त्यानुसार भा. दं. वि कलम ३५४, ३५४(अ)(१)(i),३२३,५०६,३४नुसार गुन्हा दाखल करण्यात आला होता. याकामी सरकार पक्षातर्फे एकूण ५ साक्षीदार तपासण्यात आले होते.साक्षीदारांच्या जबाबातील विसंगती आणि ॲड विवेक मांडकुलकर यांनी आरोपी तर्फे केलेला युक्तिवाद ग्राह्य मानून कुडाळ येथील मे. प्रथमवर्ग न्यायदंडाधिकारी श्री पी आर ढोरे यांनी संशयित आरोपीची निर्दोष मुक्तता केली.