🛑मांजर आडवी आल्याने दुचाकी अपघातात कविलकाटे येथील सौ.सायली आकेरकर यांचे निधन.

▪️कविलकाटे येथील भाऊबीज कार्यक्रम आटोपुन रूमजवळ जात असताना झाला अपघात..

✍🏼लोकसंवाद /-  कुडाळ.

कुडाळ कविलकाटे येथील रहिवासी असलेली सौ .सायली शरद आकेरकर वय वर्षे 60 हिचे काल रविवारी उशिरा बारा वाजल्या नंतर कविलकाटे मळेवाडी येथील आपल्या घराजवळून कुडाळ शहरातील आपल्या रूमवर भाऊभिज कार्यक्रम आटोपून जात असताना अपघात झाला.अपघातात सौ.सायली आकेरकर हिच्या डोकीला जबर मार बसल्याने निधन झाले.

सौ.सायली शरद आकेरकर या आपल्या कविलकाटे येथील घरी काल भाऊबीज कार्यक्रम असल्याने ते त्यांचे पती शरद आकेरकर आणि त्याची दोन मुले आपल्या घरी आली होती.भाऊबीज कार्यक्रम आटोपून रात्री उशिरा 12 वाजण्याच्या दरम्याने त्या आपल्या मुलीसोबत दुचाकीवरून कुडाळ माठेवाडा येथील राहत असलेल्या रूमवर परत येत होत्या.त्यांचे पती शरद आणि मुलगा गाडीने तोपर्यंत पुढे रूमवर पोचले होते.सिद्धी आकेरकर आणि तिची आई या मागून येत होत्या त्या दरम्याने रात्रीच्या वेळी अचानक एक मांजर त्यांच्या गाडीच्या मध्ये आडवे आल्याने रात्रीच्या वेळी सिद्धी गाडी चालवत असताना गोंधळून गेली आणि त्यांच्या दुचाकीला अपघात झाला.या अपघातात सौ.आकेरकर या गंभीर जखमी झाल्या.त्यांच्या डोक्यावर जबर मार लागला.त्या दरम्यान त्यांना उपचारासाठी त्यांना कुडाळ ग्रामीण रुग्णालयात आणण्यात आले.मात्र त्यांच्या डोक्याला जबर मार लागल्यामुळे मोठ्या प्रमाणावर रक्त गेल्यामुळे त्यांचे उपचार सुरू असता त्यांचे निधन झाले.

सायली आकेरकर या कोकण रेल्वेमध्ये त्या कमर्शियल क्लार्क म्हणून कार्यरत होत्या. त्यांनी पुढील काळात चांगले आरामदायी आयुष्य जगता यावे यासाठी स्वेच्छा निवृत्ती (vrs) घेतली होती.त्यांचे पती शरद आकेरकर हे सिंधुदुर्ग जिल्हा बँकेत होते.ते काही वर्षापूर्वी सेवानिवृत्त झाले होते.या दोघांनी कुडाळ येथे व्यवसाय सुरू केला होता. सौ आकेरकर यांच्या अपघाती निधनामुळे कविलकाटे आणि माठेवाडा परिसरात हळहळ व्यक्त करण्यात येत आहे.याबाबतची नोंद कुडाळ पोलीस ठाण्यात झाली आहे.कविलकाटे येथील त्यांच्या घरी दुपारी अंत्यसंस्कार करण्यात आले.सौ.सायली आकेरकर यांच्या पश्चात त्यांचे पती,एक मुलगी एक मुलगा, दोन दिर,पुतणे,पुतणी असा मोठा परिवार आहे.