🛑रत्नागिरी-सिंधुदुर्ग लोकसभा मतदारसंघामध्ये १४ लाख ५१ हजार ६३० मतदार करणार मतदान..

✍🏼लोकसंवाद /- रत्नागिरी.

रत्नागिरी-सिंधुदुर्ग लोकसभा मतदार संघामध्ये १४ लाख ५१ हजार ६३० मतदारांची १९ एप्रिलला अंतिम नोंदणी झाली असल्याची माहिती जिल्हाधिकारी एम देवेंदर सिंग यांनी दिली आहे.नव्या नोंदणीनुसार रत्नागिरी जिल्ह्यातील लोकसभा मतदार संघातील रत्नागिरी विधानसभा मतदार संघात २,८३,५५२ चिपळूण विधानसभा मतदार संघात २,६९,७९१ तर राजापूर विधानसभा मतदार संघात २,३३,७२१ मतदारांची नोंदणी करण्यात आली आहे. या तीनही मतदार संघात मिळून आता ७,८७,०६४ मतदारांची नोंदणी झाली आहे. तर सिंधुदुर्ग जिल्ह्यातील कणकवली विधानसभा मतदार संघात २,२७,७३५ कुडाळ विधानसभा मतदार संघात २,१२,३६० तर सावंतवाडी विधानसभा मतदार संघात २,२४,४७१ मतदारांची नोंद झाली असून तीनही विधानसभा मिळून ६,६४ ५६६ मतदारांची नोंदणी करण्यात आली आहे.