🛑पालकमंत्री रवींद्र चव्हाण यांची मालवण चे माजी नगराध्यक्ष महेश कांदळगावकर यांनी घेतली भेट.

✍🏼लोकसंवाद /- मालवण.

सिंधुदुर्ग जिल्ह्याचे पालकमंत्री तथा सार्वजनिक बांधकाम मंत्री रवींद्र चव्हाण यांची मालवण चे माजी नगराध्यक्ष महेश कांदळगावकर यांनी घेतली भेट घेतली आहे.मालवण न.प. मध्ये सध्या संतोष जिर्गे हे मुख्याधिकारी म्हणून कार्यरत आहेत.त्यांच्याकडेच प्रशासक पदाचा कार्यभार आहे.आमचा न.प मधील पाच वर्षांचा कार्यकाल 20 डिसेंबर 2021 ला संपलेला आहे.प्रशासकीय कार्यकाळाला आता एक वर्ष पूर्ण होत आलेल आहे. पण मागच्या वर्षभरात विकास कामे, कचरा व्यवस्थापन, स्ट्रीट लाईट व्यवस्था इत्यादी बाबत कामकाजात अक्षम्य दुर्लक्ष होत चाललेला आहे. याबाबत वेळोवेळी सूचना करून, लेखी देऊनही याबाबत कोणतीही कार्यवाही केली जात नाही.मालवण न.प निवडणूका न झाल्याने अजूनही आमच्या कालावधीतील लोकप्रतिनिधी कडून लोकांच्या कामाच्या अपेक्षा आहेत. आणि आमची ती नैतिकता पण आहे. काम न झाल्यास ते अजूनही आम्हालाच जबाबदार धरणार आहेत. तरी खालील नमूद बाबतीत आणि एकंदरीत प्रशासकीय कारभाराबाबत माहिती घेऊन आपल्या स्तरावर आदेश होणेस विनंती आहे.असे पत्र पालकमंत्री रविंद्र चव्हाण यांना देऊन सविस्तर चर्चा करण्यात आली.

यावेळी पालकमंत्री रवींद्र चव्हाण यांच्या सोबत भाजप पदाधिकारी प्रदेश उपाध्यक्ष तथा जिल्हा बँक उपाध्यक्ष अतुल काळसेकर, भाजप जिल्हाध्यक्ष प्रभाकर सावंत, माजी आमदार राजन तेली, जिल्हा उपाध्यक्ष विजय केनवडेवकर, माजी उपगराध्यक्ष राजन वराडकर, माजी नगरसेवक गणेश कुशे आदी उपस्थित होते.