🛑अधीक्षक अभियंता विनोद पाटील यांच्या लेखी आश्वासनानंतर विज ग्राहक संघटनेचे उपोषण स्थगित..

✍🏼लोकसंवाद /- कुडाळ.

सिंधुदुर्ग जिल्हा वीज ग्राहक संघटनेने जिल्हाध्यक्ष श्रीराम शिरसाट यांच्या नेतृत्वाखाली ग्राहकांच्या हककासाठी व महावितरणच्या भोंगळ कारभाराच्या विरोधात महावितरणचे मुख्य कार्यालय, एमआयडीसी, कुडाळ समोर एकदिवसीय लाक्षणिक उपोषण केले. सकाळी ९.०० वाजता सुरू झालेल्या उपोषणाला जिल्हाभरातून जवळपास अडिजशे वीज ग्राहकांनी सहभागी होते. महावितरणच्या व्यवस्थे विरोधात आवाज उठविला जिल्ह्यातील काही राजकीय पक्षांनी देखील आपल्या पाठिंब्याची पत्रे वीज ग्राहक संघटनेला देत उपोषणात सक्रिय सहभाग घेतला.यावेळी वीज ग्राहक संघटना जिल्हाध्यक्ष श्रीराम शिरसाट, उपाध्यक्ष अॅड. नितीन म्हापणकर, दीपक पटेकर, जिल्हा समन्वयक अॅड. नंदन वेंगुर्लेकर, राजेश राजाध्यक्ष, व्यापारी महासंघ कार्यवाह नितीन वाळके, प्रसाद रेगे ,वर्षा कुडाळकर ,योगेश तुळसकर ,राजन नाईक ,संजय भोगटे, अजय शिरसाट, अवधूत शिरसाट,मंदार शिरसाट,अक्षता खटावकर, किरण शिंदे ,आफ्रिन करोल ,आदी उपस्थित होते.

सकाळी उपोषणाला सुरुवात झाल्यानंतर तासाभराने महावितरणचे शिष्टमंडळ उपोषणकर्त्यांच्या भेटीला आले. यात कार्यकारी अभियंता श्री. दिनोरे, श्री. तनपुरे, श्री. मिसाळ, कुडाळचे सहा. अभियंता पाटील यांचा समावेश होता.संघटना पदाधिकाऱ्यांशी चर्चा केली असताना उपोषणकर्त्यांच्या मागण्या मान्य करण्याचे किंवा नाकारण्याचे अधिकार आपल्याला नसल्याचे अधिकाऱ्यांनी सांगितल्यावर ज्यांना अधिकार आहेत त्या अधीक्षक अभियंता विनोद पाटील यांना बोलविण्यास सांगितले.