🛑एसटी महामंडळाच्या सिएनजीच्या गाड्यामध्ये इंजिन अभावी ठीक ठिकाणी बिघाड.;प्रवाशांना होतोय नाहक त्रास.

🖋️लोकसंवाद /- समिल जळवी,कुडाळ.

एसटी महामंडळाने इंधनासाठी उत्तम पर्याय म्हणून सि.एन.जी( कॉम्प्रेसर नॅचरल गॅस) CNG च्या बसेस सिंधुदुर्ग जिल्ह्यात उपलब्ध केल्या आहेत,मात्र या बसेस रस्त्यावर नादुरुस्त झालेल्या दिसून येत आहेत.डिझेल इंधनच्या गाड्या अश्या वाटेत कुठे,थांबलेल्या दिसत नाहीत मात्र या CNG बसेस रस्त्यावर नादुरुस्त झालेल्या दिसून येत आहेत.रविवारी दुपारी 11.05.2025.रोजी कुडाळ – खवणे ही बस कुडाळ हुन खवणेकडे रवाना झाली असता ती बस मात्र सिएनजीच्या इंजिन मध्ये बिघाड झाल्याने,माड्याचीवाडी – करमळगाळु रस्त्यावर नादुरुस्त होऊन बंद पडली होती.वाहक व चालकांने बस मधील प्रवाशांची इतर वाहनातून सोय केली.काही प्रवासी खाजगी वाहनाने गंतव्य ठिकाणी गेले.सदरची एस.टी.बस केवळ CNG गॅसवर होती.तिला डिझेलचा पर्याय उपलब्ध नाही. सध्या सि एन जी ,एस.टी बस दुरुस्ती यंत्रणा जिल्ह्यात केवळ एकाच ठिकाणी उपलब्ध आहे.बस मधील गॅस संपला नव्हता.तर,इतर बिघाड झाला असल्याचे चालकाने सांगितले.नवीन बस मध्ये डिझेल व सिएनजी असे दोन्ही पर्याय उपलब्ध असतात.मात्र,काही जुन्या बसेसला हा पर्याय नसल्याने केवळ गॅसवरच त्या चालवल्या जातात.मात्र,यामुळे एस टी बस प्रवाशांना नाहक त्रास सहन करावा लागला.