🛑चेंदवण पडोशी शाळेच्या अमृत महोत्सव वर्षपूर्ती सोहळ्यात गावातील महिलांचा सन्मान अनोखा स्तुत्य उपक्रम.

🖋️लोकसंवाद /- कुडाळ.

चेंदवण पडोशी शाळेच्या अमृत महोत्सव वर्षपूर्ती सोहळ्यात गावातील विविध क्षेत्रातील महिलांचा सन्मान करण्यात आला या अनोख्या स्तुत्य उपक्रमाने सर्वच भारावले.तर भव्य बालदशावतार नाट्य स्पर्धेच्या दुस-या दिवशी शारदा विद्यालय डिगसने सादर केलेल्या ‘यक्ष उध्दार ‘ नाट्य प्रयोगास रसिकांनी उदंड प्रतिसाद दिला. बॅ नाथ पै सेंट्रल स्कूल इंग्रजी माध्यमाच्या मुलांनी सादर केलेले ‘ नवलाई महिमा ‘ नाटक प्रभावशील झाले.

*चेंदवण गावातील महिलांचा सन्मान*–
चेंदवण गावातील विविध क्षेत्रातील उल्लेखनीय कामगिरी करणा-या महिलांचा सन्मान आई माऊली रंगमंच चेंदवण पडोशी येथे संपन्न झाला.यामध्ये माजी उपसरपंच सौ रश्मी देवेंद्र नाईक,पोलिस पाटील सौ शुभश्री शृंगारे ,ग्रा.प.सदस्या सौ सुचिता पोयरेकर व सौ प्रणाली तेंडोलकर,चेंदवण नं 1अंगणवाडीसेविका सौ विनीता मेस्त्री, चेंदवण गांधीग्राम अंगणवाडी सेविका सौ श्रध्दा नाईक व मदतनीस सौ ममता भरडकर,चेंदवण नाईकनगर अंगणवाडी सेविका सौ.कविता मयेकर, चेंदवण पडोशी अंगणवाडी सेविका कु.शकुंतला चेंदवणकर , आशास्वयंसेविका सौ प्रतिभा टुंबरे ,स्त्रीशक्ती ग्रामसंघ चेंदवण कोषाध्यक्ष सौ दिक्षा टुंबरे आदी महिलांचा सन्मान प्राथमिक शिक्षिका सौ सानिका मदने ,सौ संजना राऊळ ,सौ भार्गवी कापडी ,सौ अपूर्वा टुंबरे ,सौ संजना शृंगारे ,सौ विनया पेडणेकर,सौ काव्या गवंडे ,सौ समिधा टुंबरे यांचेहस्ते शाल ,श्रीफळ,सन्मानचिन्ह देवून करण्यात आला.

*चिमुकल्यांच्या बालदशावतार नाट्यप्रयोग ठरले लक्षवेधी*–
चेंदवण पडोशी शाळेच्या अमृत महोत्सव वर्षपूर्ती सोहळ्या निमित्त भव्य जिल्हा स्तरीय बाल दशावतार नाट्य स्पर्धेच्या दुस-या दिवशी सादर झालेल्या चिमुकल्यांचे नाट्यप्रयोग लक्षवेधी ठरले. यामध्ये बॅ नाथ पै सेंट्रल स्कूल कुडाळ (नवलाई महिमा) , नटरंग बालदशावतार नाट्यमंडळ मणेरी ता दोडामार्ग (अमृत मोहिनी), शारदा विद्यालय डिगस (यक्ष उध्दार), जय हनुमान बाल दशावतार नाट्यमंडळ नांदोस गडकरीवाडी ता.मालवण (गरूड गर्वहरण ) समावेश आहे.

*विविध मान्यवारी महोत्सवास भेट*–
रोटरी क्लब ऑफ कुडाळचे प्रमोद भोगटे ,अजिंक्य जामसंडेकर, वालावल देवस्थानचे परब , सामाजिक कार्यकर्ते अतुल बंगे , प्रकाश मयेकर ,प्राथमिक शिक्षक शिवराम तावडे,सहदेव पालकर,प्रविण खरात ,संजय घाडीगावकर , संतोष आईर , मंगेश बागवे ,मारूती चव्हाण ,अनिल पाटकर ,राजेश परब ,सिंधुदुर्ग कोषागार कक्ष अधिकारी भालचंद्र कापडी ,मालवण कृषि कक्ष अधिकारी रामचंद्र परब ,चेंदवण माध्यमिक विद्यालय संस्था अध्यक्ष शरद शृंगारे ,आदी मान्यवरांनी भेट देत शुभेच्छा दिल्या.

*महोत्सवाचे युट्यूबर Live प्रक्षेपण*–
संपूर्ण महोत्सवचे कोकणपुत्र 07 या युट्युब चॅनेलवर Live प्रक्षेपण प्रथमेश परब ,पाट यांनी केल्याने बाहेरगावी असण-या सर्वांनाच बालदशावतार नाट्य स्पर्धा पाहता आली.व सोशल मिडियावर अतिशय चांगल्या प्रतिक्रीया आलेल्या आहेत.

चेंदवण पडोशी शाळेचे शिक्षक सचिन मदने व भालचंद्र आजगावकर यांनी पालक ,ग्रामस्थ ,महिला मंडळी ,माजी विद्यार्थी यांच्या सहकार्यांने अतिशय निटनेटके नियोजन व भव्य आयोजन केल्याने चेंदवण व जिल्हाभरातून महोत्सवास आलेल्या नागरिकांनी गौरवोदगार काढले.