राष्ट्रीय लोक अदालतीचे 22 मार्च रोजी आयोजन..

लोकसंवाद /- सिंधुदुर्गनगरी.

राष्ट्रीय विधी सेवा प्राधिकरण, नवी दिल्ली व महाराष्ट्र राज्य विधी सेवा प्राधिकरण, मुंबई तसेच जिल्हा विधी सेवा प्राधिकरण, यांच्यामार्फत शनिवार दि.22 मार्च रोजी राष्ट्रीय लोक अदालतीचे आयोजन करण्यात आलेले आहे. या लोक अदालतीमध्ये दिवाणी, तडजोडपात्र स्वरुपाची फौजदारी, कौटुंबिक वाद, मोटार अपघात भरपाई प्रकरणे, भूसंपादन प्रकरणे इ. प्रकरणे ठेवावयाची असल्यास संबंधित वकिलांन कल्पना द्यावी किंवा जिल्हा विधी सेवा प्राधिकरण सिंधुदुर्ग किंवा तालुका विधी सेवा समिती येथे संपर्क साधण्याचे आवाहन प्रमुख जिल्हा व सत्र न्यायाधीश एच.बी. गायकवाड यांनी केले आहे.

जिल्ह्यातील सर्व न्यायालयांतील तडजोडपात्र स्वरुपाची दिवाणी व फौजदारी प्रलंबित प्रकरणे तसेच दाखलपूर्व प्रकरणे तडजोडीसाठी राष्ट्रीय लोक अदालतीमध्ये ठेवण्यात येणार आहेत. जिल्हा न्यायालय, सिंधुदुर्ग तसेच सर्व तालुका न्यायालयांतील जडजोडपात्र स्वरुपाची प्रलंबित प्रकरणे तसेच दाखलपूर्व प्रकरणे तडजोडीसाठी राष्ट्रीय लोक अदालतीमध्ये नेमुन घेण्याबाबत पक्षकारांना आवाहन करण्यात येते.असे संबंधित अधीक्षक अथवा लिपिक तसेच संबंधित वकिल यांना कळवावे.

तडजोड होऊ शकणारी प्रकरणे व दाखलपूर्व प्रकरणे तडजोडीसाठी दि. 22 मार्च 2025 चे राष्ट्रीय लोक अदालतीमध्ये ठेवावयाची असल्याव संबंधित न्यायालयात जावून प्रकरणे तडजोडीसाठी ठेवावयाचे आहे.
लोक अदालतील तडजोड झाल्याने कायमस्वरुपी वाद मिटू शकेल, शुल्क वादाचे पर्यावसन कायमस्वरुपी वादात होणार नाही. वैराने वैर वाढतच राहते असे होऊ नये यासाठी सामंजस्य घडवावे हाच लोक अदालतीचा हेतू आहे. शिवाय लोक अदालतीतील निकालाविरुध्द अपिल होत नाही, वेळ व पैशांची बचत होते.