वेंगुर्ला /-
केंद्रीय मंत्री नारायण राणे यांच्या वेंगुर्लेत रविवार २९ ऑगस्ट रोजी होणाऱ्या “जन आशीर्वाद यात्रा ” कार्यक्रमात केंद्रीय मंत्रिपद मिळाल्यानंतर वेंगुर्लेत प्रथमच येणाऱ्या नारायण राणे यांचे जल्लोषी स्वागत व विविध संस्थांच्यावतीने नागरी सत्कार करण्यात येणार आहे.
यावेळी सायंकाळी ६ वाजता शिरोडा नाका येथे रेडी जिल्हा परिषद गटातर्फे केंद्रीय मंत्री नारायण राणे यांचा सत्कार, ६:३० वाजता मांडवी गार्डन येथे स्वागत व वेंगुर्ला व्यापारी संघटना, वेंगुर्ला सरपंच संघटना, वेंगुर्ला ओबीसी संघटना, वेंगुर्ला मुस्लिम संघटना, मराठा समाज,महिला बचत गट प्रतिनिधी व पदाधिकारी वेंगुर्ला, शेतकरी सन्मान लाभार्थी,देवस्थान कमिटी,ख्रिस्ती समाज बांधव,कुंभार समाज,उज्वला गॅस योजना लाभार्थी,पंतप्रधान आवास योजना लाभार्थी ,आत्मनिर्भर योजना (पथ विक्रेते),किरकोळ व्यापारी,गाबीत समाज,गिरणी कामगार प्रतिनिधी,सुवर्णकार प्रतिनिधी व बार असोसिएशन यांच्यावतीने केंद्रीय मंत्री राणे यांचा नागरी सत्कार करण्यात येणार आहे.यावेळी केंद्रीय मंत्री नारायण राणे व उपस्थित मान्यवर आपले मनोगत व्यक्त करणार आहेत.तर ७ वाजता वेंगुर्ला नगरपरिषदेच्या क्रॉफर्ड मार्केटचे उदघाटन तर ७:३० वाजता मठ येथील छत्रपती शिवाजी महाराज यांच्या पुतळ्यास अभिवादन करून जन आशीर्वाद यात्रेचा समारोप होणार आहे.या यात्रेस उपस्थित राहण्याचे आवाहन जिल्हा सरचिटणीस प्रसन्ना देसाई, भाजपा तालुकाध्यक्ष सुहास गवंडळकर व स्मिता दामले यांनी केले आहे.